簡單。蕃茄咖哩炆薯仔蝦丸
今晚煮焗豬飯嘅茄膏唔想浪費，就搵嘢煮埋佢！發現有元朗買嘅蝦丸，有薯仔，有蕃茄，大把咖哩醬😁今次小B的宵夜有著落😋
材料：
。炸蝦丸8條，切段！
。薯仔4隻細，切塊，我用氣炸鍋炸過！
。紅洋蔥3隻細，切塊！
。蕃茄1隻，切塊！
。茄膏2湯匙！
。椰漿1罐，大！
。咖哩醬1包！
。冰糖一大粒！
。金不換葉十數塊！
做法：
。爆香洋蔥，落蕃茄炒匀！
。落薯仔及蝦丸，倒入茄膏炒香！
。落咖哩醬炒香，倒入椰漿及一罐水及冰糖！
。蓋上至大滾才加入金不換葉即可上碟！